Osteguna, 2008ko uztailak 24, 00:42:00an berritua

EGURALDIA

Giro nahasia arratsaldean

Zerua. Goizean, lanbroa izango da kostaldean, eta behe lainoa, berriz, barnealdeko haranetan eta mendialdean; gero, hodeiak eta ostarteak izango dira Euskal Herriko toki gehienetan. Ekialdean hodei ugariago izango da. Iruñerritik hegoaldera, berriz, eguzkia eta goiko hodeiak jaun eta jabe izango dira. Ilunabar alderako, Pirinioetan ekaitzak joko du. Haizea. Aldakor ibiliko da. Tenperatura. Behera. Hortaz, beroenak, ipar partean eta mendi inguruetan, 22 eta 27 gradu artekoak; barnealdean, aldiz, 25 eta 31 gradu artekoak.

Itsasoa

Itsasoko egoera. Aldakor ibiliko da haizea, 3-4 bitarteko indarrarekin, eta itsaskia sorraraziko du. Nahiko ongi ikusiko da. Olatuak. Metro arteko olatuak.

BIHAR

Zerua. Eguraldi egonkorra izango dugu. Goizean, hodeiak eta ostarteak izango dira leku gehienetan; barnealdean eta bereziki Arabako Lautada eta Iruñerritik Erribera bitarte, goiko hodeiak eta urdinguneak gailenduko dira. Erriberan, eguzkiaz gozatzeko aukera izango dute. Haizea. Aldakor ibiliko da. Tenperatura. Berdin. Beroenak, ipar isurialdean eta mendi inguruetan, 21 eta 26 gradu artekoak izango dira; barnealdean, 24 eta 30 gradu artekoak.

Lege Informazioa

Euskal Editorea S.L. , Martin Ugalde Kultur Parkea 20140 Andoain Tel 943 304 030 Fax 943 590 172