GIZARTEA
Sagardo berria, edateko moduan dagoeneko
Aimar Olaizola pilotariak ireki du gaur garaia, Astigarragan. “Aromatikoagoa eta freskoagoa” izango da aurtengo sagardoa.
Berria.info 2009-01-14 - 15:09:31
Bozkatu
Emaitza
Hasi da, ofizialki, sagardoaren garaia. Gaur eta, ohi bezala, Astigarragan (Gipuzkoa), Petritegi sagardotegian. Aimar Olaizola pilotariak izan du aurten sasoia zabaltzeko ohorea. Apirilera arte iraungo du denboraldiak.
Udazkeneko sagar uzta oso ona izan zela esan dute adituek, eta aurtengo sagardoa "aromatikoagoa eta freskoagoa" izango da. Azkeneko hiru hamarkadetako sagar uztarik onena izan da hau Euskal Herrian; eguzkia neurrian eta tenperatura erregularra izan delako, sagar asko eta handiak eman dituzte sagarrondoek.
Upelak leporaino bete dituzte: hamahiru milioi litro sagardo ekoitzi dituzte Euskal Herrian. Horietatik ia gehienak Gipuzkoako sagardotegietan daude, Astigarraga ingurukoetan.
Udazkeneko sagar uzta oso ona izan zela esan dute adituek, eta aurtengo sagardoa "aromatikoagoa eta freskoagoa" izango da. Azkeneko hiru hamarkadetako sagar uztarik onena izan da hau Euskal Herrian; eguzkia neurrian eta tenperatura erregularra izan delako, sagar asko eta handiak eman dituzte sagarrondoek.
Upelak leporaino bete dituzte: hamahiru milioi litro sagardo ekoitzi dituzte Euskal Herrian. Horietatik ia gehienak Gipuzkoako sagardotegietan daude, Astigarraga ingurukoetan.