AZPIEGITURAK
Bizkaiko errepide batzuetako trafikoa moztu dute AHTaren aurkako ekintzaileek
Zementoz betetako bidoietan eskuak sartu dituzte gaur hainbat lagunek Abadiñon. Zornotzan zubi batetik zintzilikatu dira. Zortzi ekintzaileri desorden publikoa eragin izana leporatu die Ertzaintzak.
Berria.info 2009-07-17 - 14:09:43
Bozkatu
Emaitza
Zementoz betetako bidoietan eskuak sartu eta Bizkaiko bi errepideren erdian jarri dira gaur goizean Abiadura Handiko Trenaren (AHT) aurkako ekintzaile batzuk, eta trafikoa moztu egin dute.
N-634 errepidea erabat itxita dago Abadiño eta Zaldibar artean 7:50etik, eta 11:30ak aldera arte trafiko arazo handiak egon dira N-636n, Elorrion parean.
Lehenago Zornotzan -7:40an-, Eusko Jaurlaritzako Herrizaingo Sailaren arabera, bi lagun N-634 errepideko zubi batetik zintzilikatu dira eta trafikoan eragozpenak sortu dituzte. Hogei minutura utzi diote protestari.
Herrizaingo Sailak jakinarazi duenez, Ertzaintzak protesta egin duten zortzi lagun identifikatu eta desorden publikoa eragin izana leporatu die.
N-634 errepidea erabat itxita dago Abadiño eta Zaldibar artean 7:50etik, eta 11:30ak aldera arte trafiko arazo handiak egon dira N-636n, Elorrion parean.
Lehenago Zornotzan -7:40an-, Eusko Jaurlaritzako Herrizaingo Sailaren arabera, bi lagun N-634 errepideko zubi batetik zintzilikatu dira eta trafikoan eragozpenak sortu dituzte. Hogei minutura utzi diote protestari.
Herrizaingo Sailak jakinarazi duenez, Ertzaintzak protesta egin duten zortzi lagun identifikatu eta desorden publikoa eragin izana leporatu die.