KRISIA
Greba orokorrerako deialdia berriro ere Grezian
Krisiari aurre egiteko Gobernuak hartu dituen neurrien kontra egitea da helburua. Otsailaren 24an ere egin zuten, eta herrialdea geraraztea lortu zuten sindikatuek.
Berria.info 2010-03-11 - 20:05:41
Bozkatu
Emaitza
Bi milioi eta erdi langile daude gaur Grezian lanuztera deituta. Sindikatu nagusiek antolatu dute greba orokorra, eta krisitik ateratzeko Gobernuak proposatu dituen neurriei aurre egitea da helburua. Izan ere, defizit publikoa murriztea da Yorgos Papandreu lehen ministro sozialistaren xedeetako bat, eta, horrenbestez, kaltetuenak langileak eta herritar xumeak izango direla uste dute sindikatuek.
Otsailaren 24an egin zuten beste greba orokor bat, eta arrakasta handia izan zuen. Ondorioz, gaur ere eragina handia izatea espero da. Esaterako, garraio publikoa ia erabat geldirik egongo dela aurreikusten da, eta horren adibide da, bart gauerditik, 24 orduz, ez dela hegaldirik atera eta sartuko Greziara.
Otsailaren 24an egin zuten beste greba orokor bat, eta arrakasta handia izan zuen. Ondorioz, gaur ere eragina handia izatea espero da. Esaterako, garraio publikoa ia erabat geldirik egongo dela aurreikusten da, eta horren adibide da, bart gauerditik, 24 orduz, ez dela hegaldirik atera eta sartuko Greziara.